5 Dekabr – Dünya Torpaq Günü

Torpaq planetin ən vacib resurslarından biri olduğuna görə onun mühafizəsi davamlı qayğı tələb edir.

BMT tərəfindən 5 dekabr Ümumdünya Torpaq Günü kimi elan olunan bu tarix çərçivəsində "SOCAR Polymer" torpağın sağlamlığının qorunmasına yönəlmiş davamlı təşəbbüslərini diqqətə çatdırır. Həmin təşəbbüslər, torpağın hərtərəfli monitorinqi, sızma və təsadüfi dağılmaların qarşısının alınması ilə bağlı təlimlər və genişmiqyaslı yaşıllaşdırma tədbirləri vasitəsilə SOCAR Polymer torpağın mühafizəsinə, çirklənmənin qarşısının alınmasına və ətraf mühitin uzunmüddətli rifahına töhfə verir.

Torpaq monitorinqi tədbirləri şirkətin təsdiq edilmiş Ətraf Mühitə Nəzarət Planına uyğun olaraq müəssisələrimizdə ildə iki dəfə həyata keçirilir. Bu proses torpaqda potensial çirklənməni qiymətləndirməyə, ətraf mühit tələblərinə uyğunluğu təmin etməyə və torpağın təmizliyini və keyfiyyətini qorumaq üçün vaxtında düzəldici tədbirlər görməyə imkan yaradır.

Bundan əlavə, sızma və təsadüfi dağılmaların qarşısının alınmasına dair maarifləndirmə “SOCAR Polymer”in SƏTƏM maarifləndirmə kampaniyasının daimi hissəsidir. Bu təlimlər əməkdaşların bilik və bacarıqlarını artırır və təsadüfi sızmaların qarşısını almağa kömək edir ki, bu da torpağın çirklənməsinin qarşısının alınması və ümumi ekoloji mühafizə səylərinin dəstəklənməsi üçün vacibdir.

Ağacəkmə təşəbbüsləri də “SOCAR Polymer”-in ətraf mühitə dair öhdəliyinin bir hissəsi olaraq hər il təşkil edilir. 2025-ci ildə ümumilikdə 615 ağac əkilmişdir, onların 500-ü şirkət ərazisindən kənarda əkilmişdir. Bu fəaliyyətlər torpağın möhkəmlənməsinə, eroziya risklərinin azalmasına və “SOCAR Polymer”-in fəaliyyət ərazilərində və ətrafında daha sağlam ekosistemin formalaşmasına töhfə verir.