“SOCAR Polymer”də bayram coşqusu

Baharın gəlişini, milli-mənəvi dəyərlərimizi təcəssüm edən Novruz bayramı “SOCAR Polymer”də təntənə ilə qeyd edildi. Novruz bayramı münasibətilə təşkil edilmiş tədbirdə əməkdaşlarımız birlikdə şənləndilər və bayram sovqatlarından daddılar. Bayram ovqatını yaratmaq məqsədilə xüsusi istedada malik əməkdaşlarımız tərəfindən sehrbazlıq nümunələri, maraqlı ifalar nümayiş etdirildi, habelə şirkət daxilində Novruz fotosessiyası və xanım əməkdaşlar üçün əllərinə xına ilə bəzək vurulma mərasimi təşkil edildi.