SOCAR POLYMER

“SOCAR Polymer”in əməkdaşı Sumqayıt icra hakimiyyəti tərəfindən təltif edilib

“SOCAR Polymer” əməkdaşlarının məhsuldar fəaliyyəti təkcə gündəlik vəzifələrini səmərəli yerinə yetirməklə məhdudlaşmır. Onlar həm də şirkətdən kənarda əldə etdikləri nailiyyətləri ilə tanınırlar. Buna görə də, bu il martın 8-də Sumqayıt şəhər İcra Hakimiyyəti “SOCAR Polymer”in mühəndis-texnoloqu Humay Həmidliyə minnətdarlıq bildirib.

Belə ki, 5 mart 2022-cu ildə həm Beynəlxalq Qadınlar Günü münasibəti ilə, həm də Sumqayıt şəhərinin ictimai həyatında və ictimai tədbirlərində fəal iştirakına görə şəhər İH-nin başçısı Zakir Fərəcov Humay xanıma minnətdarlıq əlaməti olaraq Təşəkkürnamə göndərdi. Həmin Təşəkkürnaməni Humay xanıma “SOCAR Polymer” MMC-nin Baş Direktoru Fuad Əhmədov təqdim etdi. Baş Direktor Humay xanımın şirkətdə və şirkətdən kənarda səmərəli fəaliyyətini yüksək qiymətləndirərək onu təbrik etdi və daha böyük uğurlar arzuladı.

Humay Həmidli 2019-cu ilin Yay Təcrübə Proqramnın finalçısıdır. “SOCAR Polymer”də KZ/KN sahəsində təcrübə qazanan Humay yaxşı nəticələr nümayiş etdirdi və daha sonra ona KZ/KN üzrə kiçik mühəndis vəzifəsi təklif olundu. 2020-ci ilin aprel ayında o, Əməliyyatlar Departamentinə əvvəlcə kiçik mühəndis təyin olundu, sonra isə vəzifəsi mühəndis-texnoloq vəzifəsinə qədər artırıldı.